सह्याद्रीतील एकदिवसीय ट्रेकसाठी बॅगेत काय घ्यावं

Travel Firse च्या प्रत्येक ब्रोशरच्या शेवटी एकच यादी असते. ती मुद्दाम छोटी ठेवली आहे: एक बॅकपॅक, आणि सकाळी 7 वाजता ओल्या कातळावर चढताना ओझं वाटेल असं काहीही नाही.

चार गोष्टी अनिवार्य

• चांगली पकड असलेले शूज. ट्रेकिंग शूज किंवा स्पोर्ट्स शूज. पावसाळ्यात दगड निसरडे असतात; सपाट तळाचे शूज म्हणजे मुरगळलेला घोटा.
• 2–3 लिटर पाणी. बहुतेक वाटांवर दुकान नसतं. एका मोठ्या कॅनऐवजी बाटल्यांमध्ये घ्या.
• टॉर्च किंवा हेडलॅम्प. कळसूबाई, हरिश्चंद्रगडसारखे रात्रीचे ट्रेक अंधारात सुरू होतात.
• ओळखपत्र. वन चेकपोस्टवर आणि काही प्रवेशद्वारांवर ते विचारलं जातं.

अंगावर घाला

ड्राय-फिट फुल पँट आणि फुल बाह्यांचा टी-शर्ट. ते लवकर वाळतात, काटे आणि जळवांपासून वाचवतात. जीन्स परतीच्या प्रवासासाठी ठेवा.

बॅगेत

• रेनकोट, पोंचो किंवा विंडचीटर. छत्री नको: वाटेवर दोन्ही हात मोकळे हवेत.
• कपड्यांचा, मोज्यांचा आणि चपलांचा एक जादा जोड. पुण्याचा परतीचा प्रवास लांब असतो.
• खाण्यासाठी तयार स्नॅक्स आणि तुमची वैयक्तिक औषधं.
• कळसूबाई किंवा हरिश्चंद्रगडच्या रात्रीसाठी जॅकेट.
• पावसाळ्यानंतरच्या उन्हासाठी टोपी आणि गॉगल.

घरी ठेवा

स्लिंग बॅग (ती हलत राहते आणि तोल जातो), परत न आणणार असाल ते कोणतंही प्लास्टिक, आणि मोठे स्पीकर. आमच्या कोणत्याही ट्रेकवर दारू, धूम्रपान आणि मोठ्या आवाजातील संगीत चालत नाही.

प्रत्येक ट्रेकच्या पानावर टिक करता येणारी आणि प्रिंट करता येणारी स्वतंत्र यादी आहे.